Þá er sumarið að klárast og þið að byrja í skólanum strákar!

vegna forfalla urðum við því miður að gera nokkrar breytingar á liðunum í 6.flokki

Leikjadagskrá fyrir Skallagrímsmótið á Laugardaginn hjá 6. flokki er kominn. Hana má finna hér: http://www.skallagrimur.is/knattspyrna/nr/105997/

Núna fer að styttast í síðasta mót sumarsins

Núna á laugardaginn keppir 6.flokkur og það eru komin 3 lið í 6.flokkinn og koma liðin inn á síðuna fljótlega, það verða mjög svipuð lið og voru á króksmótinu en samt með einhverjum smá breytingum
7.flokkurinn hins vegar verður bara með eitt lið miðað við skráningu sem ég var kominn með þegar ég þurfti að segja hversu mörg lið við værum með, þannig að ef það eru 13 eða 14 strákar þá verða bara þeir allir í sama liðinu. Liðið kemur inn á síðuna fljótlega eins og hjá 6.flokknum.

Bílamál er eitthvað sem við þjálfarar verðum að fá að vita og að væri fínt ef þeir foreldrar sem eru að fara á Borgarnes geti látið vita hérna inn á síðunni eða látið Árna(660-4672) vita og einnig hvort þau gætu tekið einhverja farþega ef einhverjum skyldi vanta far.

Annars er það bara að gíra sig inn í mótið og klára sumarið með stæl

Þjálfarar á laugardeginum verða Simmi og Konni en á sunnudeginum verður Árni með 7.flokkinn.

Kveðja Simmi

Núna erum við að fara til Blönduósar að skemmta okkur aðeins en það verður farið með 6.flokkinn og það verður spilað við Hvöt og jafnvel Kormák ef þeir komast. Það verður spilað í okkar liðum og einnig verður kannski blandað eitthvað liðunum svona til að jafna þetta eitthvað ef þetta verður eitthvað ósanngjarnt.

Þessi dagur verður annað hvort á morgun (þriðjudag) eða miðvikudaginn, ef þetta verður á miðvikudaginn byrjar þetta klukkan 14:30 á Blönduósi, þetta mun taka svona einn og hálfan tíma. Ef þetta verður á morgun þá kemur það í ljós í dag klukkan hvað það verður.
Árni fer með strákana þannig að ef það er eitthverjar aðrar upplýsingar sem ykkur vantar þá getið þið haft samband við Árna.(868-5691)

Það er litið á þennan dag sem skemmtidag þannig að um að gera að taka með sér sundföt til að geta farið í sund eftir allt saman í nýju glæsilegu sundlauginni þeirra blönduósinga og einnig að taka með sér góða skapið

Kveðja Simmi og Árni

Kæru foreldrar

Dagana 28.júlí til 2.ágúst verður frí á æfingum hjá krökkunum. Æfingar hefjast því aftur Þriðjudaginn 3.ágúst. Þann dag verður 5.flokkur bæði karla og kvenna í knattþrautum á vegum KSÍ á aðalvelli Tindastóls. En 6. og 7. Flokkur sem og boltaskólinn verður á æfingasvæðinu upp á nöfum. Þar verða svo allar æfingar yngri flokkana restina af þeirri viku sem og vikuna eftir Króksmót. Þetta er gert til að leyfa æfingasvæðinu við íþróttahúsið að jafna sig fyrir og eftir mót.

Ég vil einnig vekja athygli á eftirfarandi.  Um þessar mundir eru foreldraráðin byrjuð að hringja út til ykkar vegna vinnu við króksmót. Eins og í fyrra geta foreldrar unnið mótsgjald barnsins síns af sér með því að taka vaktir við mótið. Mótsgjaldið í ár er 7000.kr.

Kær kveðja:

Gaui, Simmi og Árni.  

Núna fer að styttast í króksmótið og það væri glæsilegt að fá á hreint hverjir verða með Látið vita hérna á síðunni eða á æfingu hvort þið verðið með eða ekki.

Það væri frábært að ná 3 liðum í 6.flokknum og jafnvel 3 liðum í 7.flokknum líka (með 8.flokknum) þannig að um að gera að vera með

Kveðja Simmi þjálfari

Núna er kominn tími á að láta vita hverjir geta farið á mótið.

Þessi mót eru 21.ágúst fyrir 6.flokk en 22.ágúst fyrir 7.flokk.

Það væri fínt ef þið gætuð látið vita hvort þið komist eða ekki á mótið annað hvort hérna á síðunni eða á æfingu

Kveðja Simmi

Núna á fimmtudaginn 8.júlí verður haldinn foreldrafundur fyrir 7.flokk karla í vallarhúsinu klukkan 20:30.

Það er mikilvægt að sem flestir mæti því við erum að fara að ákveða hvort verður farið til Dalvíkur sem verður 17.júlí eða hvort við förum til Borganesar sem verður 22.ágúst.

Kveðja Simmi

Núna á fimmtudaginn er Hnátumót KSÍ fyrir 6.flokk kvenna og þjálfarinn hjá KS/Leiftri vildi koma með 7.flokk líka til að spila aðeins við okkar 7.flokk, þannig að á fimmtudaginn stefnum við að því að spila við 7.flokk KS/Leiftur fyrir Hnátumótið.

Við látum vita betur um þetta á morgun því þá verður þetta komið á hreint. Ef það verður af þessu þá verður þetta á æfingatímanum klukka 13:00 og stendur yfir í klukkutíma.

Kveðja Simmi

Núna er komið að því að ákveða hvaða mót verður farið á hjá strákunum.

Það sem stendur til boða er að fara til Dalvíkur 17.júlí eða til Borganesar 22.ágúst.
Þess má geta að 17.júlí er Símamót hjá öllum stelpunum þannig að það eru einhverjir sem myndu ekki komast til Dalvíkur því þeir eru með börn í báðum flokkum.

Annað hvort í þessari viku eða byrjun næstu viku þá mun verða foreldrafundur og þá verður endanlega tekin ákvörðun um hvort mótið verður farið á, þannig að fylgjist með á síðunni eða hvort strákarnir komi með miða heim um hvenær fundurinn verður.

Kveðja Simmi

20 strákar úr 6.flokki karla fóru til Siglufjarðar til að taka þátt í Pollamóti KSÍ sem er Íslandsmót fyrir 6.flokk. Það má segja að þessi ferð hafi verið mjög góð því bæði lið stóðu sig vel og mega vel við una.
A-liðið spilaði 4 leiki og vann 2 en tapaði 2. Þannig var það að þeir byrjuðu að spila við Þór og sá leikur endaði með sigri okkar manna í miklum baráttu leik 2-1 þar sem Jóhann Daði skoraði úr víti og Hólmar Sindri skoraði frá miðju Annar leikurinn var á móti KS/Leiftri en sá leikur tapaðist 5-2 eftir að strákarnir hafi komist tvisvar yfir en þeir náðu ekki að fylgja því eftir, Jóhann Daði skoraði eitt mark en ég man ekki hver skoraði hitt markið. Þriðji leikurinn var á móti KA og tapaðist sá leikur 2-1 og var sá leikur mjög jafn og fengu okkar menn alveg aragrúa af færum sem ekki nýttust en það var Ingi sem skoraði þetta eina mark okkar í leiknum. Síðasti leikurinn var síðan á móti Magna frá Grenivík og vannst hann 4-1 þar sem Jóhann Daði skoraði 3 og Óðinn 1. Þannig að A-liðið stóð sig mjög vel og með smá heppni þá hefði þetta getað endað öðruvísi.

B-liðið spilaði 3 leiki og unnust 2 en einn tapaðist. Þeir byrjuðu að spila á móti Þór og vannst sá leikur 4-1 nokkuð örugglega en það voru þeir Haukur Steinn, Eysteinn, Ríkharður og Skírnir sem skoruðu mörkin. Annar leikurinn var á móti KS/Leiftri og vannst hann 5-2 og var það nokkuð öruggt eins og fyrsti leikurinn, Eysteinn setti 2 mörk, og síðan man ég ekki hverjir skoruðu hin 3 mörkin síðasti leikurinn var á móti KA og var það úrslitaleikur um hvort liðið myndi vinna riðilinn en þessi leikur byrjaði vel því við komumst tvisvar yfir en í stöðunni 2-1 þá voru strákarnir orðnir þreyttir og KA gekk á lagið og skoruðu 4 mörk og unnu leikinn 5-2. Það voru Skírnir og Ríkharður sem skoruðu mörkin í þessum leik. B-liðið má vera stolt af sér eins og A-liðið því þeir voru að spila mjög flottan bolta og voru að senda vel á milli sín sem skilaði sér í mörgum mörkum

Þessi ferð var skemmtileg og strákarnir skemmtu sér mjög vel og var þjálfarinn ámægður með bæði liðin því þau sýndu þarna hvað þau geta en með smá heppni þá hefði þetta verið enn þá skemmtilegra

Strákar nú er um að gera að láta mig vita hverjir skoruðu þessi mörk sem ég man ekki hverjir skoruðu svo við fáum það á hreint

Kveðja Simmi

Hérna er hópurinn sem ég fer með til Siglufjarðar, en ef það er einhver sem kemst ekki þá verður hann að láta mig vita sem fyrst svo ég geti tekið einhvern annan í staðinn.

A-liðið er þannig:
Jóhann Daði, Óðinn, Hrannar, Ísak, Hólmar Sindri, Gunnar Valur, Hjörtur, Ingi Sigþór, Ragnar og Mikael.

B-liðið er þannig:
Konráð Karel, Ríkharður, Bergsteinn, Andri Snær, Aron Ingi, Eysteinn, Haukur Steinn, Víkingur, Gunnar og Skírnir

Það varð smá breyting á dagsetningunni en mótið fer fram á þriðjudaginn en ekki miðvikudaginn eins og áætlað var, annars er tímasetningin sú sama en það er að þetta byrjar kl.14:00 og strákarnir þurfa að vera mættir fyrir 13:30 á Siglufjörð.

Ef það eru einhverjir sem geta keyrt og tekið einhverja með sér þá látið mig vita hérna á síðunni eða hringja í mig svo við getum skipulagt bílamálin á æfingu á mánudaginn. Það eru 1000 krónur í bensínpening.

Kveðja Simmi
sími: 865-0804

Núna styttist í pollamót KSÍ sem er einskonar íslandsmót fyrir 6.flokk karla. Það verður haldið 23.júní á Siglufirði.

Núna á næstu dögum þá mun ég velja 20 stráka til að fara, því miður geta ekki allir farið þar sem þetta eru bara 2 lið og það er alveg hámark að vera með 10 stráka í hverju liði.

Þegar ég vel strákana þá lít ég mikið á hvernig mætingin er búin að vera á æfingarnar, ég tek tillit til hólastrákanna því þeir geta náttúrulega ekki mætt á allar æfingarnar en þeir eiga samt sjéns á að fara til Siglufjarðar.Þeir sem fara til Siglufjarðar fá að vita það ásamt því að það verður sett inn á þessa síðu.

Þannig að þeir sem fara ekki til Siglufjarðar eru ekki lélegri heldur en þeir sem fara heldur er það bara þannig að það komast ekki allir með þannig að sumir verða að vera eftir

Það verður þannig út þessa viku að ég vel hverjir fara en þeir fá ekki að vita það fyrr en í næstu viku.

Kveðja Simmi